الخصوصية

اللي بيتخزن عندنا

بنسجّل الطلب نفسه عشان الحساب مع المطعم: المطعم، الأصناف والأسعار، المنطقة، ووقت الطلب. عشان نمنع الطلبات الوهمية بنحتفظ ببصمة مشفّرة (مش الرقم نفسه) لرقم الموبايل ولعنوان الاتصال، ورقم عشوائي للجهاز، وبنمسحهم بعد 90 يوم. لو ادّيت أكلة طلبتها قلب، بنسجّل إن الطلب ده فيه قلب للأكلة دي (رقم الطلب ورقم الأكلة بس)، وبيتشال لو الطلب اتلغى.

اللي مش بيتخزن عندنا

اسمك ورقمك وعنوانك وملاحظاتك بيتكتبوا في رسالة واتساب اللي انت بتبعتها بنفسك للمطعم من موبايلك. مش بيوصلوا لسيرفراتنا ومش بنخزّنهم.

على جهازك

لو اخترت «احفظ بياناتي»، بتتحفظ على جهازك بس عشان متكتبهاش تاني، ومعاها آخر طلباتك. لو ماخترتهاش، الطلب بيفضل في الصفحة المفتوحة بس لحد ما تقفلها. السلة (الأصناف بس) والقلوب اللي ادّيتها بيفضلوا على جهازك. تقدر تمسح كل ده في أي وقت من «امسح بياناتي من الجهاز ده» تحت الصفحة.

المطعم

المطعم بيستلم بيانات التوصيل في رسالة واتساب عشان يوصّلك الطلب، وهو المسؤول عنها كبائع.

الكوكيز

بنستخدم اتنين بس: اللغة والمنطقة اللي اخترتها. مفيش إعلانات ولا تتبع.

الحماية

الموقع ورا Cloudflare، وطلب الأوردر بيعدّي على فحص Turnstile ضد البوتات. سجلات الطلبات محفوظة على خوادم Supabase في الاتحاد الأوروبي.